احلى عضوات
امبارح الخميس الموافق 24 من نوفمبر 2011 حصل موقف لنا مضحك وفى نفس الوقت مخيف مش هاطول عليكم وادخل فى الموضوع
كنت راجعة من درس الرياضيات المغرب انا واعز صديقتين لى (مريم وعلياء )وقدامنا 3 طرق نمشى منهم اول طريق فية ولاد وتانى طريق الى كنا هانمشى منة طلع فية ولاد وثالث طريق فية فلل واول فلة فيها كلبة حراصة من جوة واحنا متعودين انها مربوط دايما المهم صحبتى مريم اصرت نمشى منة مع انها اجبن وحدة فينا واحنا نقولها لا نمشى بسرعة من عند الولاد احسن المهم هى اصرت وشدتنا ورحنا
واحنا بنحود للطريق عمالة تنادى على الكلبة واسمها (بيكسى)وتقول بيكسى ...بيكسى وتقلد صوت الكلاب وساعت ما وصلنا قدام بوابة الفيلا الكلبة قعدت تهوهو قامت مريم شدة يدى و طلعنا نجرى ناحية نادى الدروس الى كنابناخد فية الدرس مع اننا المفروض نكمل الطريق جرى مش نرجع تانى للنادى وبعدين جرت بيا لاول الشارع وراحت جاية سايبانى لان الكلبة كانت مفكوكة وجاية نحيتنا بس من جوة الفيلا وانا كملت جرى لحد الشارع التانى الى كان فية ولاد وبعدين وقفت علشان ما يعرفوش حاجة وعلياء وقفت مكانها عند البوابة عادى وقاعدة تتفرج على هبلنا انا ومريم وتضحك ومريم عمالة تجرى من اول الفيلا لاخرها من برة والكلبة تجرى من جوة ومريم تيجى شمال والكلبة وراها وتيجى يمين وبردو الكلبة بتجرى ولما جت عن البوابة الكلبة حاولت تطلع من تحت البوابة قامت علياء ماشية بسرعة بس ما جرتش علشان الكلبة ما تجريش وراها ومريم لسة واقفة مكانها امام الكلبة وهى بتحاول تطلع ورافعة الجيبة وعمالة تتنطط وتصوت بدل ما تجرى بسرعة (ذكية اوى البت دى )وبعدين لما لقت الكلبة هاطلع خلاص صوتت بصوت عالى فاصحاب الفيلا طلعو ونادو على الكلبة فا دخلت لجوة ومريم كاالعادة بدل ما تجرى ناحية علياء وتكمل الطريق جات نحيتى وانا كنت واقفة عنداول شارع الولاد والولاد كانو فى نص الشارع وهى عمالة تصوت بصوت عالى وهى جاية وانا واقفة خايفة وفاكرة ان الكلبة بتعضها او مسكتها وقاعدة عمالة اضحك وانا هاموت من الرعب وبعدين اعدت تجرى نحيتى ولما وصلتى عندى وقعت على الارض وانا اضحك والولاد واحد فيهم قال (يا مجانين )والثانى قعد يالس على صويت مريم ومشينا من عند الصبيان واحنا فى نص هدومنا وكنا محرجين جدا ولقينا علياء مستنيانا عند اخر الشارع وعمالة تضحك علينا وانا ومريم عنينا دمعت واعدت ارتعش وكل ما نقابل حد علياء تقول لة ويعدو يدحكو علينا بس بجد احلى موقف حصل لى فى حياتى